والله يااختي احنا قاعدين نقول لااااا للإختلاط لااااا للسواقة وبنو علمنه ولبرله قاعدين يبثوووون سمومهم وينشرونها كل فترة بدون رادع لهم يعني خلاص المفروض تتطبق قرارات وعقوبات حازمة وتكون فيها غرامات ماليه لأي واحد يتكلم عن سواقة المرأة عشان يصير عظة وعبرة لغيرة وماعاد يفتحون سيرة هالموضوع جابلونا الغثا لابارك الله فيهم , كافي أمنيه الاختلاط اللي حققوا بعضها جعل الله تدبيرهم هاذا في تدميرهم .
قبل فترة نزلت منطقة جدة ورحت سوق ( مجمع العرب ) وانا جالسة اتسوق مع اختي واسولف معها إلا فجأة تقولي شوفييي هابير بندة وش فيها واتلفت إلا الاقي حريم جالسين يحاسبون الزبائن طبعا تفاجأت انا عهدي بالخبر ان هايبر بندة تبي توظف النساء وكانت في ردة فعل معارضة لها القرار بحكم الاختلاط اللي راح يصير مادريت انها نفذته على أرض الواقع (والله يوم شفت هالبنات الموظفات حز بخاطري عليهم لأن هالوظيفة % ماتخلا من المضايقة وأكيد الحاجة هي اللي جابرتهم على هالشغله والزمن الحين صارت الوظيفة ما تتحصل إلا بطلوووع الروح وقتها تمنيت من ربي انه مايبارك في اموال صاحب هالمتجر عشان يعرف ان الله حق ، الحين هال .......... استغفرك ربي ماابغى اسبه وآخذ ذنبه بس مادام ربي منعم عليه ومسبغ عليه أفضاله كان من باب أولى يشكر الله ويروح يسوى متجر جديد ويخلي كل الموظفين فيها نساء ويصير متجر للنسااء فقط اذا كان لها الدرجة يبغى يوظفهم بس مااقول غير اللهم لا تواخذنا بما فعله السفهاء منا ، أما الصدممممة العظمى الصااروخيه اللي شفتها لمن رحت لسوق ( رد سي مول ) طبعا محدثتكم ماتحب تنزل للاسواق كثير عشان كذا الصدمات تتوالي عليها , المهم خليني اقولكم وش شفت دخلت المحل وانا جالسه اتفرج واتخير في الفساتين إلا اسمع وحدة من البنات تقول لأحد الموظفين في المحل ( مرااااا مو لايق مع هذا ) والرجال قعد يسولف معها ويتناقش معها طبعا انا جاني الفضول بعرف وشو ذا اللي مولايق فلمن اتلفت شفت الصدمة لقيت البنت تشمر في كم عبايتها وتبدأ ترتب في أغراض معينه في المحل يعني الخلاصة طلعت هالبنت من ضمن طاقم العمل والله خرجت من المحل ومخيخي موقاادر يستوعب اللي حصل معقوووله لها الدرجة وصلواا في الاختلاط, صدق لمن قالوا جدة غييييير لاحول ولاقوة إلا بالله العلي العظيم اجل ماآآأدري وش راح يصير بعد كم سنه.