يا جماعة الخير بصراحة لا أعلم،هل أنا ''دمي حامي''،أم أن المصاب الذيأصابنا كان كارثة بكل معنى الكلمة؟ لا أعلم هل فيني الخطأ، وإلا مايحصل هو الخطأ..؟
عموما تطمنوا ما حصل إلا الخير،الأزمة انتهت،وكل الأمور تمام، تقدرون تروحون السينما عرض الساعة,12الحظر مرفوع،. أشعر أن كل الأمور تداخلت مع بعض عليّ، صرت أفرح وأنا غضبان، وأزعل وأنا فيقمة الأناسه كل شي صار يدخل على الثاني، فقدت التوازن وصرت خاليمشاعر، يبدو أني أحتاج مثل ما يحتاج الكمبيوتر حين يصاب بفيروس،شكلي أحتاج(فورمات) وينمسح كل شي،وأرجع عديم الذاكرة. خلاص يا جماعة سحابة صيف وعدت، الدوار تمت إزالته، انتهى الأمر الذي فيه تستفتيان،
البلد عادت بصحة وعافية. ما حصل إلا الخير، عيالنا في الداخلية إصاباتهم بسيطة، بيقومون بالسلامة، المعنويات عالية، البلد خلاص (طابت). إحنا بلد ننسى بسرعة،خلونا نرجع مثل لوّل،عادي كل شيعادي
، طيران الخليج شركة وطنية، العاملون فيها جلّهم من طائفة واحدة، الطيارون جلّهم من طائفة، من يبعثون للدراسة جلّهم من طائفة،**** عادي يا جماعة البلد ما فيها إلا طائفة وحدة، الطائفة الثانية ما لها وزن ولا قيمة. خلكم عادي، وخلّونا نرجع مثل لوّل،
بابكو شريان الاقتصاد، خلاص انتهت الحفلة، رجعوا اللي أوقفتموهم، مساكين ما قصدهم يشلون البلد، كانوا مصابين بدورة راس، ما دلوا بوابة الشركة، ليش إحنا ما في قلبنا تسامح، رجعوهم، عادي اقتصاد البلد نسلمه لمن يشل البلد .. والله عادي ما فيها شي، وإلا شلون تضيع البلد. لا أدري هل وطننا يحب من يعض يده، يحب من يصرخ في وجهه، ويحب من ينكر الجميل، من يفعل ذلك يحصل على ما يريد، إياك ثم إياك أن تكون موالياً، سوف تجد أبناءك في البيت من غير بعثات، ومن غير وظائف، ولن تحصل على معونة الغلاء، وبيت الإسكان يمكن يحصل عليه الأبناء بعد أن تلقى ربك، عادي، امتدادات القرى هي الأهم، وهي لطائفة واحدة، اشفيها الشقق، اشحلوها، ترى فيها بلكونة. خلكم متسامحين (الوزارات كلها تعمل بدون طائفية التوظيف، العمل، الصناعة والتجارة، البلديات، الكهرباء والماء، الصحة، التعليم الأشغال، المالية، وأخيراً الخارجية، والعدل، وعلى الطريق الداخلية، وتحديداً المرور، كلها وزارات توظف أهل البحرين بحيادية، أبد ما عندنا كانتونات طائفية) وزاراتنا على أحسن ما يرام، الإسكان وبنك الإسكان ما فيهم طائفية، كل شي تمام. أشكر وزير التربية على استجابته لعمود الأمس، أعدت البعثات لمن طالب وتظاهر لإسقاط النظام، مساكين ما يقصدون، ارفعوا علم البحرين، بس ترى كانوا يقصدون ليبيا، مشكور يا سعادة الوزير، أعرف الإجابة سلفاً. حتى أنا والله الموضوع مو في يدي بعد، أقولكم محتاج ''فورمات''، يعني لا أحد ياخذ علي،أعاني من هرطقة الزمن الأخير.
إياكم يا بلد تاخذون إجراءات ضد من أسقط النظام، وأدخلنا في شهرين من الإرهاب، وقتل، وقطع الطرق، إياكم، ترى تصيرون طائفيين، بس اللي يسقط النظام ويقتل ويرهب، مو إرهابي، كان يطالب بالمطالب، البلد بخير يا جماعة، خلونا نعيش، خلونا ننسى، خلكم عادي، والتزموا برباطة الجأش، والله مادري اشلون كتبتها هذي، حلوة الجأش. من قال إن ممتلكات تعاني من الطائفية، من قال إن إدامة تعاني من الطائفية وتقصي أبناء البحرين من التوظيف، لا لا أنتم طائفيون، خلكم عقلانيين، عادي خل نسلم وثايق البلد، واقتصادها لمن يريد زوالها، ولمن يسرب المعلومات للأعداء، عادي البلد بخير. خلكم عادي إذا عيالكم اجلسوا من غير وظائف عادي، إذا ما ادرسوا وحصلوا بعثات عادي، انتوا مضمونين، انتوا أهلنا وعزوتنا، ما يصير تطالبون بشي، أبد عيب، مو إحنا اللي انطالب بوظائف لأولادنا وبناتنا، لا خل الوزارات والبعثات لمن يشتم ويصارخ ويكذب، ويدلس، خلكم عادي،* أنتم أهل البلد، عيب تطالبون، خلوا عيالكم ينامون في البيت، إحنا عندنا سنع. أنا واحد أحتاج (حقنة بلادة) أحتاج أكون في الطراوة، خاطري أجرب اللي يقول عنه اللمبي (يضرب له حجرين ويكون في الطراوة) الوضع يحتاج اتكونون في الطراوة، خلكم عادي، لازم ننسى، ما حصل إلا الخير، عادي المرة الجاية يصير الانقلاب بشكل أكبر وتضيع البلد عادي، يا جماعة عادي.. أهم شي الاقتصاد، أمن البلد مو مهم، أهم شي يذكرنا أوباما بالخير في خطابه السامي، مو مهم تطبيق شرع الله، أوباما أهم، عساك ترضى عنا يا أوباما، رضاك والجنة..!!
كتبه ..هشام الزياني
ملاحظه..
هناك عفواًُ عاما عن جميع الطلاب المبتعثين خارج البحرين ..
واللي شاركوا في مسيرات إسقاط النظام !!
الامور في البحرين تدار بطريقه مستحيل اي عقل يفهمها !!!!!!
27-05-11, 11:48 PM
يا أهل البحرين تعالوا ننسى .. أرجـوكم أعـطوني**** ****»حـقنة بـلادة****«!!
العرض العادي
