العودة   شبكة الدفاع عن السنة > المنتديات الإجتماعية > منتدى التــــــــــواصل الإجتـماعــــــــي

 
 
أدوات الموضوع انواع عرض الموضوع
قديم 29-06-13, 01:28 PM   رقم المشاركة : 1
ديار الاردنية
عضو







ديار الاردنية غير متصل

ديار الاردنية is on a distinguished road


قصتي مع شبكة الدفاع عن السنة والداعية عمرو خالد


حبيت احكي قصتي مع التدين عشان اتكونوا رفيقين مع اخوانكم , رح احاول ما اطول عليكم انا عشت في عائلة متوسطة تربيت كويس واهلي محافظين بس اتدينوا وانا مراهقة بعد ما تركنا الاردن ورحنا بلد خليجي وانا ما اتاثرت كتير بتدينهم وبسرعة خلصت ثانوية عامة وتركت هدا البلد ورجعت الاردن عشان اكمل دراستي الجامعيه ومع تفوقي الشديد ما جبت علامة متل ما بدي بس معدل اهلني ادخل كليه عاليه ودخلتها فعلا جامعاتنا طبعا مختلطة بس انا مع اني ما بلبس البس الشرعي وما بصلي وقتها وبحط عطر ومكياج وبعمل حواجبي كان عندي كبر وشايفة حالي ومتربية طبعا ما كنت اختلط بالشباب مش عن دين بس ادب وتربية وقتها ما كان الدين عندي وازع بالجامعة كنت مضيعة فعلا البوصلة لا دراسة ولا اشي دايما بطلع مع البنات ومش مركزه نزل كتير معدلي واخدت انذارات ورحت ما انفصل طبعا وقتها مصلى الجامعة ما بعرف وينه لما افكر اني وقتها ما بعرف وين المصلى بحزن جدا وضليت بصارع ما انفصل ووقتها عشان ازيدكم من الشعر بيت كنت ضد الاتحاد الاسلامي في الانتخابات الجامعيه كنت بحكي شو احتكروا الدين يعني هو احنا كفار وهيك حكي ما كنت بكرهم بس كنت ضدهم عند يعني
في مرة كنت في صالة التلفزيون وفاتح التلفزيون على قناة اقرأ طبعا وقتها انا ما بعرفها ودخلت علي بنت سورية متل حالتي هيك بتحكي انتي بتابعي هدا البرنامج قلت الها لا انا عندي تقرير وبكتبه غيري اذا بدك
حكت الي اسمعي هدا الشب المصري كلامه حلو كتير اسمعته لقيته بحكي في الدين وهو هيك لابس بدلة مرتبه وما عنده لحية وكلامة رقيق كنت ما بحب المشايخ الي لابست دشاديش ولحية وكلامة بيخوف مرات كان اول طلعت عمرو خالد في برنامج ونلقى الاحبة عجبني صرت اسمع اله كل حلقاته كان كانه بحكي عني بحكي عن اولاد ناس مربيين بس تايهين ما برتكبوا الكبائر بس بعيدين عن الدين , بدا يصير للدين دور بحياتي
طولت ما تفكروا اني بسرعة بطلت مكياج وعطر واتجلببت وصرت اصلي , اخد معي الموضوع وقت بس بديت اشوي اصلي بس لما ارجع السكن ومش دايما بس اتحسن وضعي الجامعي وراحت عني الانذارات كلها واتخرجت ما افهمت انه اكرمني ربنا لاني بديت الطريق تجاهه ما افهمت ابدا والله , هلا افهمت ولما ارجعت على هاي الدولة الخليجية الي فيها اهلي كنت مرات بصلي ولسة ما لبست الباس الشرعي فربنا ما يسر الي الشغل مع انه شهادتي عاليه ما افهمت انه ضربه الي عشان ارجع اله وضليت بالبيت بدون شغل , في مره حبيت اعرف فضول عن الشيعة طلعت الي شبكتكم هدا الحكي بيجوز من اكتر من سبع سنين دخلتها وعرفت عنهم كتير بس مليت وكان فيه للدعوة عندكم فرع في المنتدى كانت فيه اخت اسمها بشائر سالتني انتي ليش داخلها عنا كان ذكاء منها بدها تعرف على شو تشتغل فقلت الها انا نفسي البس جلباب قالت الي قومي واشتريه ما بدها تخطيط واقتنعت كنت بدي بس تشجيع واشتريت والبست الباس الشرعي وقتها التزمت بالصلاة بس الفروض مش النوافل ومش دايما صلاة الفجر
صارت معي احداث بعدها كتير خلتني اتدين اكتر واكتر ما في مجال كتير لذكرها بس حبيت احكيلكم ما تفقدوا الامل باخوانكم واخواتكم همو مش اعداء مرات بيكونوا مساكين بدهم حد يساعدهم ما عاشوا بوسط ديني متلكم همو مربين ومؤدبين صح بس ما تربوا تربية دينية هدول تربه خصبة للتدين بس بدهم رقه







 
قديم 29-06-13, 03:00 PM   رقم المشاركة : 2
ديار الاردنية
عضو







ديار الاردنية غير متصل

ديار الاردنية is on a distinguished road


طبعا بحكي عن نفسي هاي قصتي
فيها تفاصيل لسة بس ما حبيت اكمل بيجوز لما ربنا ينصرني ويفرج علي بكمل الكم
وانا قبل اكتر من سبع سنين كنت ادخل باسم جذور واذا الاخت بشائر موجوده لسه بيجوز تتذكرني







 
قديم 29-06-13, 03:02 PM   رقم المشاركة : 3
ديار الاردنية
عضو







ديار الاردنية غير متصل

ديار الاردنية is on a distinguished road


بس اتوقفت ادخل على الشبكة بعد ما البست شرعي وانشغلت بالدنيا







 
قديم 29-06-13, 03:44 PM   رقم المشاركة : 4
ديار الاردنية
عضو







ديار الاردنية غير متصل

ديار الاردنية is on a distinguished road


تكرم عينك بس رح احول القصة من اولها الى الفصحى معلش انا ما اخدت بالي
بس مش عارفه اذا رح اكمل القصة ولا لا
بيكفي عبره لهون
ممكن اكملها لما ربنا يفرجها علي







 
قديم 29-06-13, 03:59 PM   رقم المشاركة : 5
ديار الاردنية
عضو







ديار الاردنية غير متصل

ديار الاردنية is on a distinguished road


حبيت احكي قصتي مع التدين من اجل ان تكونوا رقيقن مع اخوانكم , ان شاء الله لن اطيل عليكم انا عشت في عائلةمتوسطة تربيت جيدا واهلي محافظين لكنهم تدينوا وانا مراهقة بعد ما تركنا الاردن وذهبنا الى بلد خليجي وانا لم اتاثر كثير بتدينهم وبسرعة انهيت الثانوية عامة وتركت هذا البلدورجعت الاردن من اجل ان اكمل دراستي الجامعيه ومع تفوقي الشديد لم احصل على المعدل المتوقع مني ولكن معدلي اهلني ادخل كليه عاليه ودخلتها فعلا ,جامعاتنا طبعا مختلطة بس انا مع اني مابلبس البس الشرعي وما بصلي وقتها واضع عطر ومكياج وبعمل حواجبي كان لدي الكثير من الكبر وشايفةحالي ومتربية طبعا لم اكن اختلط بالشبابليس عن دين بس ادب وتربية وقتها لم يكن الدين عندي وازع , بالجامعة كنت مضيعة فعلا البوصلة لا دراسة ولا اشي دائما اخرج معالبنات ولم اكن اركز بالدراسة ولا بأي شيء هبط معدلي التراكمي واخدت انذارات وكذت ما انفصل
طبعا وقتها لم اكن اعلم اين مصلىالجامعة وعندما اتذكر اني وقتها لم اكن اعلم اين المصلى بحزن جدا وبقيت اصارعما انفصل
وحتى ازيدكم من الشعر بيت كنت ضد الاتحاد الاسلامي في الانتخابات الجامعيه كنت اقول لنفسي لماذا احتكروا الدين لانفسهم فقط ونحن ايضا مسلمون لم اكن حقيقة اكرههم بل كان عناد مني .
في مرة كنت في صالة التلفزيون في السكن الجامعي وكان مفتوح علىقناة اقرأ طبعا وقتها انا لا اعرفها ودخلت الصالة بنت سورية كانت تدرس في الاردن معنا بالسكن يعني وكانت الله يذكرها بالخير في مثل حالتي من التدين قالت هل تسميعن هذا البرنامج قلت لها لا انا اكتب تقرير اذا اردتي غيري القناة , فقالت اسمعي لهذا الشاب المصري كلامه جميل جدا فسمعته ووجدت انه يتحدث بالدين وكنت مذهوله لانه شاب ليس لديه لحية ويلبس بدلة انيقه وكنت بصراحة اخاف جدا اسمع من المشايخ الذين يرتدون دشاديش ولديهم لحى كنت اخاف من اسلوبهم وحتى نبرة صوتهم
كان ذلك اوائل بروز عمرو خالد في برنامج ونلقى الاحبة عجبني صرت اسمع له كل حلقاته كان كانه يتكلم عني يتكلم عن اولاد ناس مربيين لكن تائهين لم يرتكبوا الكبائر بسبعيدين عن الدين , بدأ يصير للدين دور بحياتي
طولت ما تفكروا اني بسرعة توقت عن وضع مكياج وعطر وولبست الباس الشرعي وصرت اصلي , اخد معي الموضوع وقت بس بدأت اصلي وليس دائما لكن حصرا عندما اعود الى السكن ولكن تحسن وضعي الجامعي ورفعت التراكمي وذهبت عني الانذارات كلها وتخرجت ولم افهم ان ربي اكرمني لاني بدأت الطريق تجاهه ما افهمت ابدا والله , الان فهمت وعندما عدت الى هذه الدولةالخليجية الي فيها اهلي كنت احيانا اصلي ولم اترك السماع لعمرو خالد ولم اكن لبست الباس الشرعي
مع انه شهادتي عاليه لم ييسر لي ربنا عمل ولم افهم انه ابتلاء من ربي لعلي اكمل بطريق الدين وضليت بالبيت بدونشغل
في مره حبيت اعرف فضول مني عن الشيعة فوجدت شبكتكم هدا الكلام بيجوز من اكتر منسبع سنين دخلتها وعرفت عنهم كثير لكني مليت واكتفيت وكان فيه للدعوة عندكم قسم
في المنتدىكانت فيه اخت اسمها بشائر سالتني انتي ليش داخلها عنا كان ذكاء منها تريد ان تعرف على ماذا تركز في الدعوه وما هو هدفي من الدخول الى القسم فقلت الها انا اريد ان البس جلباب او الباس الشرعي قالت الي قومي واشتريه لا يريد الامر تخطيطواقتنعت بسرعة كنت اريد فقط تشيع اريد فقط كلمة واحسست ان بقيت اخطط فلن البس الباس الشرعي ابدا علي بالفعل وهو النزول للسوق لشراء الملابس ما بدها مضيعت وقت والتزمت بالصلاة حياء مني ان البس الباس الشرعي ولا التزم بالصلاة فالتزمت بسالفروض وليس النوافل وليس دائما استيقظ لصلاة الفجر
صارت معي احداث بعدها كتير جعلتني اكنل مشوار التدين لا مجال كتيرلذكرها بس حبيت احكيلكم ما تفقدوا الامل باخوانكم واخواتكم هم ليسوا اعداء مرات بيكونوا مساكين يريدون مساعدة ما عاشوا بوسط ديني مثلكم هم ومؤدبين واحسنت تربيتهم لكن ليس بوسط ديني هؤلاء تربه خصبة للتدين بس يريد الامر رقه .







 
قديم 29-06-13, 05:11 PM   رقم المشاركة : 6
بشائر 13
مراقبة عامة






بشائر 13 غير متصل

بشائر 13 is on a distinguished road


الحبيبة ديار

حياك الله أخيه
كتبت لك رد على موضوعك بالشكاوى اليوم الصباح هل اطلعت عليه ؟

http://www.dd-sunnah.net/forum/showthread.php?t=164338

ولا أدري هل تذكرين معرفك السابق ؟

وهل أنت جذور بهذا الرابط

سأكون سعيددده جدا ان كنت هي

http://www.dd-sunnah.net/forum/showthread.php?t=40149







 
قديم 29-06-13, 06:28 PM   رقم المشاركة : 7
ديار الاردنية
عضو







ديار الاردنية غير متصل

ديار الاردنية is on a distinguished road


ايوه هاي انا جذور بس بتعرفي انسيت كتير من تفاصيل النقاش بينا
بس هي انا
انا لبست شرعي وصرت ما احط اي مكياج او عطر واقص اظافري وبطلت نمص حواجب صرت اشقرهم هلا
بس لسه بكشف الوجه هاي ما وصلت الها النقاب وشوي صعب لانه ما حد عنا منقب







 
قديم 29-06-13, 06:44 PM   رقم المشاركة : 8
ديار الاردنية
عضو







ديار الاردنية غير متصل

ديار الاردنية is on a distinguished road


هلا قرات ردك على الشكوى
جزاك الله خيرا انا كان بكفيني انه تعليقاتهم تلغى
احرجتني بصراحة
جزاك الله خيرا
والله العظيم انا استغفرت ربنا اذا كنت اغلطت بهداك التعليق بس هو سوء المنظر
هو انا ما كان لازم اشوف خلص مات يموت
واستغفر الله اذا كان تساهل مني فيمن سب امنا عائشة والله بيعرف نيتي وقصدي ويغفرلي فيما جهلت او غلبتني فيه عواطفي







 
قديم 30-06-13, 12:16 PM   رقم المشاركة : 9
بشائر 13
مراقبة عامة






بشائر 13 غير متصل

بشائر 13 is on a distinguished road


الله يحييك أختي جذور ويسعدك بطاعة توصلك الفردوس الأعلى ياحبيبة

أسعدني رجوعك بيننا وايضا ثباتك على الخطوات الطيبة التي قررت نهجها طاعة لله أدام الله عليك فضله

وبالدعاء وملازمة الصالحين وحضور مجالس الذكر ستوفقين بإذن الله لمزيد من الأعمال التي تقربك من الله

ومن سلك طريق الله لايخيب وفقك الله وسددك وأعانك






 
قديم 30-06-13, 03:42 PM   رقم المشاركة : 10
ديار الاردنية
عضو







ديار الاردنية غير متصل

ديار الاردنية is on a distinguished road


ان شاء الله لا تنسيني من دعائك
والله اني دخلت هاي المرة على الشبكة حتى ممكن اندل على شو انا مقصرة
انا بحس انه ربنا لسه مش راضي عني
انا بعرف انه الناس بالواقع رح تقدر اتساعدني اكتر لانهم شايفيني
بس ما في بالواقع حد مساعد
يعني مرة رحت على دائرة الاستفتاء بنفسي اطلب فتوى قام الشيخ حكالي
خففي عن نفسك مع اني ما بيصير احكيلك هيك لانه التقوى مسبوقه عن الفتوى
وبدروس الدين الي لما اقدر بحضرها كلهم اكبار بالعمر من الداعية الى الحاضرين كانه الناس ما بتحضر دروس الا لما تتقاعد
ما بلاقي حد بسني اساله ويقدر يفهم
انا بشو مقصرة بديني انا حاسة انه ربي لسه مش راضي عني
اللهم ارضى عني واعذر اسرافي في امري ودلني عليك







 
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:32 PM.


Powered by vBulletin® , Copyright ©2000 - 2024, Jelsoft Enterprises Ltd. TranZ By Almuhajir
" ما ينشر في المنتديات يعبر عن رأي كاتبه "