[الشامخ السني]

تلاقوا بمطرح ما الهوى ....... بيكتب على جبينون سوى
شهر بدهر , دهر بشهر .......... عاشوا العمر جرح و دوا

عاشوا العمر خبز و ملح ....... دمعة عتم , ضحكة صبح
... طير انكسر . طير بجنح .... ما همّون جنون الهوا

مشيوا الدرب , خطوة أمل ..... كلمة رضا تمحي الزعل
و تعاهدوا مهما حصل ...... ما يفتحوا بواب النوى

و لمّا القصف شتّى بعنف ... ما ضل حجر يحمل سقف
صار النزف فوق الوصف ..... و لسّه حنينو ما ارتوى

لسّه بقلبو في حلم ............ بي غربل ليالي العتم
يقطف لهالحلوة نجم ......... ضاوي بقلبو اللي انكوى

ضمّا عصدرو و اتّكا ...... راسا عكتفو ما اشتكى
تخمين ما لحّق حكى ... عاشوا سوى , و ماتوا سوى
هذا ماوجته في صفحة الثورة السوريه

مشاهدة المزيد