قصيدة شعبية للشاعر البصري عباس جيجان.. يرثي بها الرئيس الشهيد صدام حسين .........................................
ويه الفجر يوم العيد ويه نحر النحور صدام قدم للوطن روحه إجه مثل ألأسد مجروح يمشي وتضحك جروحه ... هم شايف جبل ينكاد وإذا شفت الجبل مكيود تلكه العله بسفوحه مثل النخل مات وكوف شاخص شامخه صروحه ... لك لو هيجي الرجال تموت لو غم الرجال بموت ماصخ مابه ملوحه .................................................. .. بجيت وما بجيت عليك ... بجيت على الزمان الضمك بلوحه بجى حتى الفرات عليك ونهر دجله إنتحر موحه ... إذا ً تستاهل عليك ينوح شاعر ما بطل نوحه لأن إنته الوحيد إلذي خليت المشانق للرجال تصير مرجوحه رغد يا رغد لا تبجين ..... بس دمعة حزن للزين مسموحه أبوج ألكتب إسمه بجبهة التاريخ كعبه الوطن عنده وعاليه سطوحه .................................................. .. الزمن يشهد لأبو ألليثين ... ولو آنه شهادتي بصدام مجروحه ما دنك براسه وإنحنى للجلاد ..رغم سلسلوا رجله وشدوا جفوفه رفض يلبس نكاب الموت ... وضحك على الموت سنه وعينه اتشوفه .................................................. ..... عجل والله يتباهى يسجل التاريخ عنه وتكتب حروفه مو حبل العلى الركبه طلع ملفوف .. ركبه على الحبل طلعت الملفوفه .................................................. .. إذا ًحقها العرب تحزن عليه وتنوح ... وكع خيالها والشمس مكسوفه .................................................. .. من زغره عجيد عنيد .. وضد الأستعمارابوج الوصل سابع جار معروفه .................................................. ... وإذا البصره حزنت مصباح يوم العيد ... يم تكريت طلعت تلطم الكوفه .................................................. ... وإجت نينوى محنية ظهر وتصيح وين ابن الرمادي الباشطه سيوفه .................................................. .. إذا ً تستاهل عليك ينوح شاعر ما بطل نوحه لأن إنته الوحيد إلذي خليت المشانق للرجال تصير مرجوحه