تخيلوا أسرق قصيده واجيبه .. واضحك على عقول البشر بالقوافي؟؟ ..
هذي ب حقي يــا جماعه معيبه .. وهذي عــــوايد كل تافه وهافي ..
انا مراسي للـــبـــحور الصعيبه .. اجيب من شط الشعر كل صافي ..
يحتار بي بيطار شعــره طبيبه ..وخصمي يجيه من الجزال اختلافي
اجيبها ب الطيب ولا الــغـصـيــبه .. وأركـــد أللي بـ ألتـمـآآثيل نافي .
سرق القوافي كذب والكذب خيبه .. لابد في قوقل بـ لحضه تشـافي
الحمد لله ، مامشينا بـــــريبـــــــه . صفحاتنا من فضل ربي نضافي
مانطاوع اللي منكفي بالــزيبـــــه .ونقصر خطــانا عن دروب المهافي
أخاف أبوي وعقب مالاح شيبه . يلفي على عرضه من الـسـو لافي
اخاف عرض ابوي شيءً يـعيـبه . والناس ماترحم ولاشيء خـــافي
بنت الحمايل في زمنا غــــريــبه . بحجابهـــا واقصى منــــاهـــا العفافي
لكن لها وقت الملازيمـــ هيبــه ،، يجي لها من الــمنصف المـــدح وافي
سوالف التغريب انا وش ابي به ،، خلها لمن تسفى عــليهــا الســــوافي
قران ربي ( علاج قلبي طبيبه ) ،، (وسنة رسولي ) والبقيه عوافي .