وعليــــــكم السلام ورحمة الله وبركااااته ..
صلــــــــــــى الله على رسولنا وحبيبنا محمد عليه أفضل الصلاة واتم التسليم ..
تقّبل الله عمرتك ..
أكيد بما انهم شيعة هاذا اقل شئ يسونه في بلادنا بس اتوقع مو كل الايرانين اللي يجون الحرم شيعة أكيد فيهم سنّه .. وذكرتيني باالإيرانيه إللي في الحرم لمن كنّا في قسم النساء كاانت في قمة الأدب معي وسألتني إذا انا ايرانيه ولا لأ وقلتها سعوديه وكانت مبتسمة وبشوشه معي (يمكن سنيه ) وعاد جلست تستفسر مني وتسألني وكنت اجاوبها وربي ذيك الساعة شكرت الله إننا ندرس في مناهجنا الانجليزي ولا كان رحت فيها .
اي صح تذكرت لمن كنت أصلي العصر وكانت جنبي وحدة ايرانيه وخلاص كان الامام بيختم الصلاة وأنا قاعدة اقول التشهد ورفعت اصباعي عشان أقول اشهد ان لااله إلاّ الله واشهد ان محمد رسول الله إلاّ حسيت بالإيرانيه تطالع فيّا وماأدري ايش حسبتني وبكل اريحييييه طلعت الحجر حقها و طبعا ماانتبهت ايش سوت بس حسيت انها انهت صلاتها وخلصت قبل الامام والله كل مافتكر اضحك ..
وكماان أتراك وهاذولي كانوا بكثرة لمن زرت الحرم قبل فترة
ااااااااااامــــــين.
والله ياختي صاااااااااادقة ويااارب يدرسون ها الفكرة و انا بصرااحة اشوف انه لاازم يسون طريق يفصل مابينهم وهاذا الشئ ماقلته إلاّ للأسف بعد ماحصلي تجربه شخصيه وربي أنصدمت ,, ذاك اليوم قررت اني اروح الحرم وأسوي عمرة وشلت معاي أختي وتوكلنا على الله وانا في عز الطواف وماأحس إلاّ براس واحد على كتفي وجسمه ملاصق لجسمي وربي جاتني القشعريرة ومن الفجعة ماعرفت شسوي هو صحيح كـــــان الطواف مراا زحمة بس مو لدرجة التلاصق وأنا مرا ماتوقعت انه يجي يوم ويصير لي زي كذا لأني والله متغطيه كاامل وعبايتي على الراس ومافيها أي زخاارف عشان أقول انها ملفته .. وحاولت اني اغير جهتي والحمد لله ربي يسر لي مكان ثاني , وانا أكمل الطواف إلاّ أحس بشئ وأطالع وألقى الأخ مسنتر راسه على كتفي مرا ثانيه الله ......... أستغفر الله كل ماأفتكر أدعي عليه بس الله يهــــــديه . وعاد بعدها عرفت المسأله ماهي مسأله انه زحمة وخلاص المسأله فيها انه لازم ينجلد قليــــــــل الادب , وطبعا بعدت كتفي عنه ورحت غيرت مكاني وحلفت لو شفته قرب ثاني لأوريه نجووووم الظهر ومايشوف نفسه إلاّ مفضوح ومجلود قدام الخلق بس عااد ربي ستر عليه وماعاد قرب . واختي مادريت عن السالفة إلاّ لمن رجعنا البيت لأنها كانت في الطواف ماسكتني من جهة اليمين والمسنتر كان حاط راسه في جهة اليسار وقاعدة تقولي غبيه المفروض من أول مرا تورينه الادب بس انا وحدة بصراحة ماحب اسوي فضايح وأحب الستر لكن قلت والله لو سواها المرة الثالثه بيكره الساعة اللي دخل فيها الحرم لكن زي ماقلت ربي ستر عليه ...